கமலுக்கு இது தேவைதான்

கமல் என்றாலே நல்ல நடிகர்,சினிமாவில் புது முயற்சிகளின் பிரம்மா, சர்ச்சைகளின் நாயகன்  என்பது எல்லோரும் அறிந்தது. கமல் இருக்கும் இடத்தில் சர்ச்சை இருக்கும் என்று பத்திரிக்கைகள், ஊடகங்கள் சொன்னதலோ என்னவோ அதையே தனக்கு சாதகமாக கமலும் பயன்படுத்த தொடங்கி விட்டார். எந்த எதிர்மறை விமர்சனங்கள் வந்தாலும் அதை தனக்கு சாதகமாக மாற்றிக்கொள்ளும் வித்தை கற்றவரைப் போன்றும் தம்மை ஒரு சகலகலா வல்லவனாகவும், எதிரில் இருப்பவனை முட்டாளாக பார்க்கும் மனநிலையையும் வளர்த்துக் கொண்டு வந்து விட்டார்.

இது அவர் தொடங்கிய, முடித்த ஏனைய படங்களுக்கு பொருத்தம். கமல் தன் ஏனைய படங்களில் நேரடியாக சொல்லாமல் மறைமுகமாக தன் மனத்தில் ஒளித்து வைத்திருக்கும் சாதி மத வன்மங்களை வெளிக்காட்டி இருக்கிறார். தன்னை முற்போக்காளனாக  வெளியில் காட்டி பிற்போக்குத்தனத்தை விதைத்திருக்கிறார். கட்டியணைத்தல், முத்தம் கொடுத்தல் போன்ற காட்சிகளை மட்டும் நேரடியாக காட்டி அந்தரங்க நாயகனாக அலட்டிக் கொண்டிருக்கிறார்.

படத்தில் புதுமையும் பண்ணுவார், சாதிசண்டைகள் வரவைத்து புரட்சியும் பண்ணுவார்.. இதற்கு தேவர் மகன் முதல் விருமாண்டி வரை ஏனைய படங்கள் அடையாளம்.

சமூகத்தைப் பற்றிய அக்கறை அற்ற கமலுக்கு தன்  பெயர் விளங்க வேண்டும், தன் பாக்கெட் நிரம்ப வேண்டும் என்பதே ஆண்டாண்டுகாலமான எதிர்ப்பார்ப்பு. ஆனால் வெளியில் காட்டிக்கொள்வதென்னவோ கலைக்காக உழைப்பவர், கலைக்காக வாழ்பவர் , கலைக்காக சாகவும் துணிபவர்.

அடுத்தவன் பணத்தில் குளிர்காய்ந்து கலை வளர்க்க கடமை பட்டவர் இவர். பல தயாரிப்பாளர்களை படுக்க வைத்து விட்டு தன பணம் போட்டு பண்ணிய படத்துக்கு பேராபத்து வந்து விட்டதே என்று இப்போ வானுக்கும் விண்ணுக்கும் குதிப்பவர்.

அதுதான் இப்போ விஸ்வரூபம் படம் கமலை தொற்றிக்கொண்ட பிரசினைகளின் விஸ்வரூபம் ஆகி  இருக்கிறது. முதலில் DTH ஆல் தயாரிப்பாளர்கள் பிரச்சினை, அப்புறம் சினிமா விநியோகஸ்தர்கள், பின் திரையரங்க உரிமையாளர்கள், கேபிள் டிவி காரர்கள் என எல்லோரையும் தாக்கி இப்போ முஸ்லிம்கள் வரை ஏனையோரை புண்படுத்தி இருக்கிறது. தன லாபத்துக்காகவும், புது முயற்சி என்ற பெயரில் அடுத்தவரைப் பற்றி அக்கறை கொள்ளாத கமலை ஆட்டி வைத்திருக்கிறது. இது கமலுக்கு ஒரு படிப்பினை. யானைக்கும் அடி சறுக்கும் என்பார்கள்.. கமலுக்கு இப்போ சறுக்கி இருக்கிறது.

கமல் படம் வந்தாலே பிரச்சினை சேர்ந்து வருகிறது என சில நண்பர்கள் சொல்கிறார்கள்.. கமல் படம் வந்தால் பிரச்சினை வருவதில்லை, எதாவது பிரச்சினையை வேண்டுமென்றே இழுத்துப்போட்டுக்கொண்டு அதன்மூலன் ஒரு சீப் பப்ளிசிடியை தேடுவதே கமலின் நீண்ட கால வரலாறு. இலைமறைகாயாக எதாவது சமுதாயத்தை, மதத்தை, மனிதனை , மொழியை, இனத்தை சாடுவது, வசனம் பேசுவது, காட்சி வைப்பது  போன்ற கீழ்த்தர மனநிலையை  கமல் மாற்றிக்கொள்ள வேண்டும். அப்படியானால் மட்டுமே உலகநாயகனாக எல்லோர் மனத்திலும் அவர் உயர்ந்து நிற்க இயலும் .

கமல் நல்ல நடிகன் என்பதில் மாற்றுக்கருத்து யாருக்கும் இருக்க முடியாது, நல்ல மனநிலை உள்ளவராகவும் கமல் மாற வேண்டும் என்பதே எல்லோரது (அவா)வும்..