Saturday, September 3, 2011

சனிக்கிழமை சொல்லும் கதை!



ஒவ்வொரு சனிக்கிழமைக்கும்

ஒவ்வொரு

கதை இருக்கிறது

ஒவ்வொரு சனிக்கிழமையும்

ஒவ்வொரு

கதையில் விடிகிறது!

சிலருக்கு

சனிக்கிழமை விடுமுறை

இரண்டு நாள் சந்தோஷம்

இன்றிலிருந்தே ஆரம்பம்

சிலருக்கு

ஞாயிறு விடுமுறை

மறுநாள் சந்தோஷம்

இன்றிலிருந்தே ஆரம்பம்

எதிர்பாத்து வைத்திருந்த

சினிமாவை இன்று பார்க்க

கூடி குலாவி,குதூகலம் மிஞ்சிட

நண்பனை சந்திக்க

எப்போ சந்திப்போம் என்றொரு

ஏக்கத்தோடு காதலை எதிர்நோக்க

களிப்புகள் கூட,மகிழ்ச்சி ஆர்ப்பரிக்க

ஒய்யாரமாய் ஊருக்கு போக

கணவனோடு மனைவி சேர்ந்து

நாள் முழுதும் சேர்ந்து இருக்க

சகோதரத்தோடு விடுமுறையில்

சண்டை பிடிக்க

பாட்டியோடும்,தாத்தாவோடும்

பாசம் பகிர

மதுவிருக்க மயக்கம் தர

மாதுவிருக்கா கட்டிப்புணர

பப்புக்கும் மப்புக்கும் மனம் நகர

என்று

ஒவ்வொரு சனிக்கிழமையிலும்

ஒவ்வொருவருக்கும் ஒவ்வொரு

கதை இருக்கிறது

ஒவ்வொரு சனிக்கிழமையும்

ஒவ்வொரு

கதையில் விடிகிறது!


Widget byLabStrike


No comments:

Post a Comment