Thursday, August 18, 2011

இருந்தும் இனிக்கிறது ஏனோ !



ஆறிருக்கு,ஆறுக்கான சுவடிருக்கு

ஆற்றிலே நீரில்லை!

காற்றிருக்கு,காற்றிலே

அதிகமாய் கார்பன் கலந்திருக்கு!

மரமிருக்கு,பச்சையின்றி காய்ந்துபோன

கிளைகள் மட்டும்!

பணம் கொடுத்தே வாங்க வேண்டியிருக்கிறது

அங்கேயும் தண்ணீரை!

விவசாய நிலமிருக்கு

வீட்டுமனைகள் அதிகமாய் விளைந்திருக்கு!

மனிதனிருக்கிறான்,மறத்துப்போன

மனங்களோடு அங்கேயும்!

இப்போதெல்லாம் கிராமத்துக்கும்

நகரத்துக்கும் பெரிய வித்யாசமில்லை!

இருந்தும் இனிக்கிறது

ஏனோ

அது எம் சொந்தஊர்!


Widget byLabStrike


No comments:

Post a Comment