Wednesday, July 20, 2011

அழுக்கு உள்ளம் அடுத்தவனை சொல்கிறது!



நிறத்தை பார்த்திடுவார்

இவன் கறுத்த நிறத்தான்

அவனாய் இருப்பானோ என்றுரைப்பார்!

ஆடையை கண்டிடுவார்

இவன் ஏழை அழுக்கன்

நாகரிகமில்லாதவன் என்றுரைப்பார்!

சமுதாய துயர்கண்டு

ஆவேசப்படுகிறவனை

அறிவில்லாதவன் என்றுரைப்பார்!

சமூகத்தில் உயர்ந்தவனை

தகுதியில் சிறந்தவனை

பணத்திமிரில் ஆடுகிறான் பாரென்பார்!

சாதியை தேடியறிந்து

இவன் இழிகுலத்தான்

இப்படித்தானிருப்பான் என்றுரைப்பார்!

எல்லாத்தையும் சேர்த்து

ஒற்றைச்சொல்லில் உதிர்த்திடுவார்

அது அவன் சாதி புத்தி!

கறுத்த உள்ளத்தையும்

அழுக்கான மனதையும்

அறிவிலி சிந்தனையும்

உள்ளுக்குள்ளே அமர்த்திக்கொண்டு

ஊரை வசை பாடுகின்றார்

ஊருக்குள்ளே இவர்

பெரிய மனுசனாம்..உயர் சாதிக்காரனாம்!

Widget byLabStrike


3 comments:

  1. எல்லாத்தையும் சேர்த்து

    ஒற்றைச்சொல்லில் உதிர்த்திடுவார்

    அது அவன் சாதி புத்தி!

    இது நல்லா இருக்கு.

    ReplyDelete
  2. நல்ல கவிதை.
    வாழ்த்துக்கள்.

    ReplyDelete
  3. சமூக சாடல்....

    தொடரட்டும் நண்பரே!

    ReplyDelete