Thursday, June 23, 2011

ஓர் இரவு !



  • மொட்டைமாடியில்

கட்டில் போட்டு படுத்து

ஆகாயத்தின் அழகை

ரசித்தபடி

வெளிப்புற காற்றை

நுகர்ந்தபடி

ஆழ்ந்த உறக்கத்தை

அடைகிறது அவன் இரவு!

  • மாப்பிள்ளை தேடி தேடி

ஓய்ந்து,களைத்து

ஒருவழியாய் தான் எதிர்பார்த்த

வரன் விடவும் அழகாய்

அமைந்ததில்-அவன் நினைப்பில்

நீள்கிறது அவளுக்கான

கனவு நிறைந்த கலைஇரவு!

  • ஏக்கம் கொண்ட

தாக்கத்தில்

தனிமையின் இனிமையில்

எவளையோ கற்பனை செய்து

சுயத்தை இழந்தபடி

சொர்கத்தை அடைகிறது

ஒருவன் இரவு!

  •  நெடுநாட்கள் ஏக்கத்தில்

நீண்டு விட்ட பொழுதில்

தாராளமாய் காட்டிட்ட

தாசி ஒருத்தி தகதகப்பில்

தாகம் தீர தீர

தீரா மோகத்தோடு

காமத்தின் உச்சத்தில் தொடர்கிறது

அவனுக்கான களிப்பான இரவு!

  • பேய் பயத்தில்

தனியனாய் படுத்துறங்கி

பீதி மாறா மனத்துடன்

பிதற்றலோடு

எப்போ விடியும் இந்த இரவு

என்ற பயத்துடன் தொடர்கிறது

ஒருவனுக்கு திகில் இரவு!

  • நேற்று வரை நலமாய்

வளமாய் வாழ்ந்தவன்

இன்று எதிர்பாராது

மாரடைப்பால் மரணித்ததால்

தூக்கமற்று தொடர்கிறது

அவர்கள் குடும்பத்திற்கு

துக்க இரவு!

  • எத்தனை இரவு வந்தபோதும்

அவன் வாழ்வில்

அன்றுபோல் என்றுமில்லா

ஆனந்தம் கொண்ட

அந்த இரவு இனி வராது

அவனுக்கு இன்று முதலிரவு!

  • இரவு நேர கடைசிப் பேருந்தை

இழந்து விட்டவனாய்

அடுத்து என்ன செய்வதென்று

விழித்தபடி இருட்டிய இரவில்

மிரட்டுகிறது நடுநிசி இரவு!

  • பசியின் கொடுமையில்

உணவின்றி

உறக்கம் வராத கண்களை

வெறித்தபடி

இயற்கையை சபித்தபடி

நீள்கிறது பட்டினி இரவு!

  • ஒரே இரவு

ஒவ்வொருவருக்கும் ஒவ்வொரு மாதிரியாய்!


Widget byLabStrike


No comments:

Post a Comment