Sunday, June 19, 2011

ஒவ்வொரு மனிதனின் வெற்றிக்குப் பின்னாலும்!



  • உன் விரல் பற்றி

நடந்துதானே

என் முதுகு தண்டு

நிமிர்ந்தது!

  • நீ தோளில் சுமந்து



காட்டிதானே

உலகம் என்னில்

விரிந்தது!



  • வீட்டுக்குள்ளே

உலகம் கண்டேன்.

வெளியுலகம்

காட்டியவன் நீ!

  • பாசத்தை தாயூட்ட

பக்குவத்தை நீயூட்ட

அன்பை அவள் பகிர

அறிவை நீ பகிர்ந்தாய்!

  • பத்து மாதம் பாரம்

தாய் சுமந்தாள்

எமை வளர்த்தெடுக்க


இன்னமும் சுமக்கிறாய்

நீ பாரம்.



  • நீ என்னை கருசுமந்து

பிரசவிக்காது

தாயுமானவன்!

  • வெற்றிபெற்ற

மனிதருக்குப் பின்னால்

ஒரு பெண்ணிருப்பாள்

என்று

ஏடெழுதி போயினர்

ஏராளமானோர் !

உண்மை ஒன்றை

உரக்க சொல்வேன்

ஆணித்தரமாய்

அடித்து சொல்வேன்

ஒவ்வொரு மனிதனின்

வெற்றிக்குப் பின்னாலும்


ஒரு தந்தையின் பங்கு

நிச்சயம் உண்டு!


----------------------------------------------------------------------------------------------------------------------

தந்தையர் அனைவருக்கும்,தந்தையர் தின நல்வாழ்த்துகள்!

-----------------------------------------------------------------------------------------------------------------------


Widget byLabStrike


No comments:

Post a Comment