Saturday, May 7, 2011

திடீர்க் காதல்!



  • பேருந்து நிறுத்தத்தில்


பேரழகி ஒருத்தி

என்னையும் அறியாமல்

இடமாறுது கண்கள்!

  • இருசக்கர வாகனத்தில்


இறக்கைகட்டி பறக்கின்றாள்

ஏஞ்சல்தான் அவள்

இதயத்தை திருடிக்கொண்டு!

  • கவர்ந்திழுக்கும் பேச்சினிலே


காந்தம் ஒன்றை

வைக்கின்றாள்

களவுப்போகிறது உள்ளம்!

  • வில்வளைந்த விழியுடன்


விலாசம் விசாரிக்கின்றாள்

தொலைத்துவிட்டு தவிக்கின்றேன்

அவளிடத்தில் என் விலாசம்!

  • தோழனவன் தோளில் சாய்ந்து


தொலைதூரப் பார்வையால்

தோட்டா பாய்த்து கொல்லுகின்றாள்

பிரிந்த உயிர் அவளிடமே!

  • அருகாமை இருக்கையில்


அடுத்தவன் காதலியாய்

அவனுடன் அவள்

அவளுடனே என் மனது!

  • பிறிதொருவன் மனைவியென்று


பிரித்துப் பார்க்க இயலவில்லை

என் மனைவி என்பதுபோலே

எண்ணுகிறது மூளை!

  • கட்டிக்கிட்டா இவளைத்தான்


கட்டிக்க வேணுமுன்னு

கவின்மிகு பெண்களை

காணும் போதெல்லாம்

வந்து தொலைக்கிறது

திடீர்க் காதல் !

Widget byLabStrike


8 comments: