Saturday, February 12, 2011

காலம் கடந்த கணினி காதல்!




  • உன் தாவணி வரவை

எதிர்பார்த்து

குட்டிச்சுவரில் தவம் செய்து

நீ உதிர்க்கும் ஒற்றை

மென்சிரிப்பிற்காய்

எம் காலம் முழுக்க

காத்துக் கிடந்து

காலத்தை கடத்தியிருக்கலாம்!

  • உன் நாணம் செய்கிற

கோணத்திலும்

கால்கள் போடுகிற

கோலத்திலும்

மட்டுமே நம் காதலை

நாம் உறுதி

செய்துக் கொண்டிருக்கலாம்!

  • பேசா மொழியில்

நம் கண்கள் மட்டுமே பேசி

உறவாடி உயிர்ப்பித்தக்

காதலை

இன்னும் கொஞ்சம் நாள்

பேசாமலே பேசியிருக்கலாம்!

  • நீ பார்த்து விட்டுப் போன

ஒற்றைப் பார்வைக்காகவே

பலநாள் தூக்கத்தை

தொலைத்து

தூங்கா விரதத்தை

உன் நினைவிலேயே

துவங்கி இருக்கலாம்!

  • பக்கத்து வீட்டுப்

குழந்தை பையனை

பத்து பைசா

மிட்டாய்க் காய்

காதல் தூதாக்கி

புறா தூதனுப்பாத

காலத்தின் தேவையை

பூர்த்தி செய்திருக்கலாம்!

  • காதல் கடிதங்களும்

தூரத்துக் காற்றிலிட்ட

முத்தங்களுமாய்

நம் காதலை வாழ்வித்துக்

கொண்டிருக்கலாம்!

  • உன் பெயரை

நெஞ்சில் சுமந்து

பச்சை குத்திய மார்புடன்

விழுப்புண் பட்ட

வேந்தனைப்போல்

வீறுநடை போட்டிருக்கலாம்!

  • உன்னை மட்டுமே

காதலித்து

வாழ்நாள் சாதனையாய்

என் வாலிபத்தை

வென்றிருக்கலாம்!

அலைபேசியும்,கணினியும் அற்ற

அக்காலத்தில்

நம் காதல் வந்திருந்தால்!

  • எவ்வித சுவாரசியமுமின்றி

அலைபேசியில்

hi என்றும்

சமூக வலைப்பின்னலில்

bye என்றும்

பொறுப்பற்று அலட்சியமானது

காலம் கடந்து வருகின்ற

நம் கணினிக் காதல்கள்!



Widget byLabStrike


No comments:

Post a Comment